Uzbekistan

  • uz24.uz
  • 1 day ago

Президент Шавкат Мирзиёев 24 ноябрь куни Сеул шаҳрида БМТнинг собиқ Бош котиби Пан Ги Мунни қабул қилди, деб хабар беради давлат раҳбарининг матбуот хизмати.  Самимий ва очиқ руҳда ўтган мулоқотда давлатимиз раҳбари Пан Ги Мун БМТга Бош котиблик даврида Ўзбекистон билан БМТ ҳамкорлигида самарали лойиҳалар амалга оширилганини ёдга олди.  Пан Ги Мун Шавкат Мирзиёевнинг Корея Республикасига давлат ташрифини юқори баҳолаб, бу икки мамлакат ўртасидаги азалий дўстлик ва ўзаро ишонч руҳидаги ҳамкорлик алоқаларини янада ривожлантиришда муҳим қадам бўлишини қайд этди.  Жорий йил 10 ноябрь куни Самарқандда ўтган «Марказий Осиё: ягона тарих ва умумий келажак, барқарор ривожланиш ва тараққиёт йўлидаги ҳамкорлик» мавзуидаги халқаро анжуманда кўтарилган масалалар долзарблиги, Ўзбекистоннинг ташаббуслари Марказий Осиёни барқарор, иқтисодий ривожланган ва юксак тараққий этган минтақага айлантиришда муҳим қадам бўлиши таъкидланди.  Пан Ги Мун Шавкат Мирзиёевга Ўзбекистон ва Жанубий Корея ўртасидаги алоқаларни мустаҳкамлашга қўшаётган ҳиссаси учун миннатдорлик изҳор қилди.

  • uz24.uz
  • 2 days ago

"Чиройли" авторақамларни сотиш бўйича онлайн-аукционлар очилганидан буён уларда сотилган 684 авторақамнинг қиймати 14,4 миллиард сўмдан ошди. Миллий матбуот марказида Ўзбекистон Республикаси товар-хомашё биржаси акциядорлик жамияти томонидан ўтказилган матбуот анжуманида бу ҳақда маълум қилинди.

  • uz24.uz
  • 2 days ago

23 ноябрь куни Президентнинг Корея Республикасига ташрифи давомида эришилган келишувлар бўйича ҳужжатлар имзолаш маросими бўлиб ўтди.  Ўзбекистон Президенти Шавкат Мирзиёев ва Корея Президенти Мун Чжэ Ин Стратегик шериклик муносабатларини ҳар томонлама чуқурлаштириш тўғрисида Қўшма баёнотни имзоладилар.  Ўзбекистон Республикаси Бандлик ва меҳнат муносабатлари вазирлиги ва Корея Республикаси Инсон ресурсларини бошқариш вазирлиги ўртасида Ҳамкорлик меморандуми, икки мамлакат адлия вазирликлари ўртасида Ҳамкорлик меморандуми, Ўзбекистон Ташқи савдо вазирлиги ҳамда Корея Республикаси Савдо, саноат ва энергетика вазирликлари ўртасида Ўзбекистонда Миллий электрон савдо платформасини жорий қилиш бўйича ҳамкорлик битими, Ўзбекистоннинг Жаҳон савдо ташкилотига қўшилиши бўйича ҳамкорлик тўғрисидаги ҳукуматлараро меморандум, икки давлат ташқи ишлар вазирликлари ўртасида 2018-2020 йилларга мўлжалланган ҳамкорлик дастури, Ўзбекистон Республикаси Иқтисодиёт вазирлиги билан Корея Стратегия ва молия вазирлиги ўртасида Билимлар алмашинув дастури бўйича Англашув меморандуми, 2018-2020 йилларда Иқтисодий тараққиёт ва ҳамкорлик жамғармаси кредитлари бўйича ҳукуматлараро ҳадли келишув ҳамда Ўзбекистон Тикланиш ва тараққиёт фонди билан Корея экспорт-импорт банки ўртасида молиявий ҳамкорлик тўғрисида келишув каби олтмишдан ортиқ муҳим ҳужжат имзоланди.

  • uz24.uz
  • 2 days ago

23 ноябрь куни Шавкат Мирзиёев Корея Республикаси мустақиллиги йўлида жон фидо қилган қарийб 170 минг одам хоки қўйилган Миллий ёдгорлик мажмуасини зиёрат қилди. Бу ҳақда Президент матбуот хизмати маълум қилади.

  • uz24.uz
  • 2 days ago

Корея Республикасида Шавкат Мирзиёевнинг Ўзбекистон Республикаси Президенти лавозимидаги фаолиятининг биринчи йили ҳақида корейс тилида “Ўзбекистон Республикаси Президенти Шавкат Мирзиёев” номли китоб 50 минг нусхада чоп этилди.  ЎзА хабарига кўра, жорий йил 20 ноябрь куни нашр этилган ушбу китоб 8 бўлим, 320 саҳифадан иборат бўлиб, кўплаб суратлар билан бойитилган.  Нашрда Шавкат Мирзиёевнинг аввал Ўзбекистон Республикаси Президенти вазифасини бажарувчи, сўнг Президент сифатидаги фаолияти ҳақида батафсил маълумот берилган. Давлатимиз раҳбарининг мамлакатимиз ва хорижда сўзлаган нутқлари, жумладан, Президент лавозимига киришиш маросими, Конституция байрами, Янги йил байрами, БМТ Бош ассамблеяси сессиясидаги нутқидан иқтибослар келтирилган.  Китобда Президент Шавкат Мирзиёев ташаббуси билан барча соҳаларда бошланган жуда муҳим ислоҳотлар таҳлилига катта эътибор қаратилган. Иқтисодиётнинг либераллашуви, хорижий инвестицияларни жалб қилиш ва ҳимоялаш бўйича аниқ чора-тадбирлар, валюта бозорини либераллаштириш, аҳолининг ижтимоий ҳимояси, вилоятларга нисбатан янги сиёсат, сўз эркинлиги ва конституциявий ҳуқуқ тамойилларини ҳимоя қилиш, буларнинг барчаси Президент Мирзиёев ташаббуси билан бошланган янги ислоҳотларнинг дастлабки натижаларидир.  Китобнинг “2017-2021 йилларда Ўзбекистонни ривожлантиришнинг бешта устувор йўналиши бўйича Ҳаракатлар стратегияси” номли бобида ушбу дастур чуқур таҳлил қилган. Шунингдек, Ўзбекистон Президентининг ташқи сиёсатдаги минтақавий ҳамкорликнинг янги суръатига туртки бўлган, Ўзбекистоннинг қўшни давлатлар билан алоқаларини янги босқичга олиб чиққан ташаббуслари ҳақида сўз юритилган. Ўтган бир йил давомида Президент Шавкат Мирзиёевнинг хорижий давлатларга ташрифи, Ўзбекистонга ташриф буюрган бир неча давлат раҳбарлари ҳамда нуфузли халқаро ташкилотлар етакчилари билан бўлиб ўтган музокаралари ҳақида атрофлича маълумот берилган.  Корейс миллатига мансуб ватандошларимизнинг Ўзбекистонда истиқомат қилаётганига 80 йил тўлди ва бу сана мамлакатимизда кенг нишонланди. Китобда Ўзбекистон ва Корея Республикаси ўртасидаги кўп йиллик савдо-иқтисодий ва маданий-гуманитар ҳамкорликка ҳам кенг ўрин ажратилган.  Китоб “Uz Kor Economy Media Group” томонидан чоп этилган. Унинг муаллифи машҳур журналист ва ёзувчи Чо Чоль Хён.